खजुरा । खजुरा गाउँपालिकाकाे १४औं गाउँसभाबाट विभिन्न निर्णयहरु पारिद गर्दै अधिवेशन सम्पन्न भएको छ । गाउँपालिकाको विकासका लागि विभिन्न नयाँ योजना र केहि योजनाहरुलाई संशोधन गरी काम गर्ने निर्णय भएको खजुरा गाउँपालिका अध्यक्ष डम्बर बहादुर विक तुफानले बताए । उनले भने, ‘गाउँपालिकावासीले हामीलाई ५ वर्षको लागि काम गर्ने अवसर दिनु भएको छ । हाम्रा माझ अवसर र चुनौति दुबै छन् ।
खजुराको सम्रग विकासका लागि पालिकाले निजि क्षेत्रसँग पनि साझेदारी गरेर अगाडी बढ्ने र पालिकाले आफनो स्रोत र केहि महत्वपुर्ण योजना केन्द्र, प्रदेशको अनुदानमा सम्पन्न गर्नेछ । पाँच वर्षे र गौरवका योजनालाई हामी उच्च प्राथमिकताका साथ सम्पन्न गर्ने लक्ष्य सहित अगाडी बढेका छौं ।’
खजुरा गाउँपालिकाका अध्यक्ष डम्बर बहादुर विकको सभाध्यक्षमा भएको कार्यक्रममा गाउँपालिकाका उपाध्यक्ष मन्जु मल्लले चालु आर्थिक वर्षको निति, कार्यक्रम तथा बजेट समिक्षा बक्तव्य प्रस्तुत गरेकी थिइन । गाउँसभा सभाले ऐन,कार्यिवधि, निर्देशिका पेश गरी पारित तथा संसाेधन सम्बन्धी विधेयक २०८० पारित गरेको हो ।
